Giktafelag Føroya er eitt áhugafelag fyri føroyingar við gikt
Felagið hevur til endamál at veita upplýsing um giktasjúkur, at betra um viðgerðarmøguleikar og at veita ráðgeving innan giktaøkið.
Felagið er partur av norðurlendska samstarvinum Nordisk Reuma Råd (NRR), sum er eitt samstarv millum Danmark, Noreg, Svøríki, Finland, Ísland og Føroyar. Felagið er eisini partur av MEGD, sum er meginfelag teirra, ið bera brek í Føroyum.
Nevnd felagsins
Felagið er mannað við einari 5 manna nevnd, umframt tveimum tiltakslimum. Av hesum, skulu minst 3 nevndarlimir verða sjúklingar, avvarandi ella serkøn.
Nevndin er dagliga leiðslan hjá felagnum, og tekur avgerð við vanligum meiriluta.
Læknaligur ráðgevi er tilknýttur felagnum.
Skipan av nevnd og felagi kunnu lesast í viðtøkunum
Søga felagsins
Giktafelag Føroya varð stovnað 22. august 1948, og hevði tá navnið Føroya Felag móti giktsjúkum. Felagið var sjálvstøðugt føroyskt felag, sum samstarvaði við Rigsforeningen til bekæmpelse af reumatiske sygdomme.